میکسیکو : امریکی خاتون موسیقار نے اپنے کیمرے سے شہاب ثاقب ٹوٹنے کی ویڈیو بنائی جو دیکھتے ہی دیکھتے سوشل میڈیا پروائرل ہوگئی جس پر لاکھوں لوگوں نے پسندیدگی کا اظہار کیا۔
امریکا کی معروف موسیقار امبر کوفمین نے اس حسین نظارے کو اپنے کیمرے میں محفوظ کرلیا، انہوں نے اس منظر کی ویڈیو کو سوشل میڈیا پر پوسٹ کیا تو وہ دیکھتے ہی دیکھتے وائرل ہوگئی۔
غیر ملکی خبر رساں ادارے کے مطابق ایسا پہلی بار ہوا ہے کہ کسی موبائل فون کے کیمرے میں اتنا واضح اور دیر تک تاروں کے ٹوٹنے کا عمل محفوظ ہوا، اس حیرت انگیز ویڈیو کو لاکھوں صارفین نے دیکھا اور خوشگوار حیرت کا اظہار کیا۔
Guys, we just saw one of the craziest things we have ever seen in our lives and I managed to capture some of it. A meteor for the ages! pic.twitter.com/kPIchIPREV
— Amber Coffman (@Amber_Coffman) July 29, 2020
ویڈیو کو شیئر کرتے ہوئے امبر کوفمین نے لکھا کہ یہ منظر میرے لیے انتہائی حیران کن اور خوشگوار تھا، مجھے بے انتہا خوشی محسوس ہوئی۔
اس حوالے سے امریکن میٹیر سوسائٹی (اے ایم ایس) کا کہنا ہے کہ دو شہاب ثاقب جن میں سے ایک جنوبی ڈیلٹا ایکویریڈس کے مقام پر اور دوسرا الفا کپرینیڈس کی طرف گرا اور یہ منظر امبر کوفمین نے ریکارڈ کیا۔
اے ایم ایس نے وضاحت کرتے ہوئے بتایا کہ یہ مناظر بارش میں رات کے وقت بہتر طور پر دیکھے جاسکتے ہیں خصوصاً چاند کی تاریخوں میں جب وہ آدھے سے زیادہ روشن ہو (پہلی سہ ماہی سے آخری سہ ماہی) تک چاند کی روشنی متاثر ہوگی اوراس کا مشاہدہ کرنا مشکل ہوگا۔
Very quick reactions and camera work by @Amber_Coffman on this. Meteors enter our atmosphere at around 10 – 75 kilometers per SECOND… I’d guess this meteor had slowed to under a few km/sec by the time it was recorded of course, as our atmosphere provides serious friction! https://t.co/iWLunFYsDp
— Dr James O’Donoghue (@physicsJ) July 29, 2020
اس وائرل ویڈیو پر بہت سے لوگوں نے تبصرہ کیا، ایک سائنسدان ڈاکٹر جیمس او ڈونوگو نے بتایا کہ اس طرح کے تیز رفتاری سے ہونے والے عمل کو کسی کیمرے میں محفوظ کرلینا بہت مشکل تھا، تاہم تاروں کا ٹوٹنا قدرتی عمل ہے جو اکثر دیکھنے میں آتا ہے۔
