ترکی میں تعلیمی سال 2020-21 کا آغاز 31 اگست اور تدریس 21 ستمبر سے شروع کرنے کا اعلان کیا گیا ہے۔
وزیرتعلیم صیاسلجوق نے نیوز بریفنگ میں بتایا کہ ملک بھر میں کورونا وبا کے حوالے سے اسکولوں کو کھولنے کی تیاریاں کی جارہی ہیں۔
نئے تعلیمی سال کا آغاز 31 اگست سے ہوگا جب کہ اسکولز میں تدریسی عمل 21 ستمبر سے شروع کیا جائے گا۔
انہوں نے بتایا کہ اسکولز میں تعلمی سرگرمیاں بحال کرنے کے حوالے سے وزارت صحت کی گائیڈلائنز کو مدنظر رکھتے ہوئے پالیسی بنائی گئی ہے جس کے تحت ہر ممکن احتیاطی تدابیر اختیار کی جائیں گی۔
وزیر تعلیم کا کہنا تھا کہ اسکولز میں حاضری کو بتدریج بڑھایا جائے گا اور مرحلہ وار مکمل بحالی کے لیے طلبہ اور ان کے والدین کے رویے کو مدنظر رکھا جائے گا۔
ملک بھر کے نجی تعلیمی اداروں میں 17 اگست سے سرگرمیاں شروع کرنے کی اجازت بھی دی گئی ہے اور اس سلسلے میں خصوصی احتیاطی تدابیر مرتب کی گئی ہیں۔
واضح رہے کہ کورونا وائرس کے پھیلاؤ کو روکنے کے لیے مارچ سے اسکولز، جامعات اور تمام تعلیمی ادارے بند کیے گئے تھے۔