اسلام آباد: سابق وزیراعظم نواز شریف کی احتساب عدالت کارروائی کے خلاف درخواست سماعت کے لیے مقرر کر دی گئی۔
تفصیلات کے مطابق توشہ خانہ ریفرنس میں مسلم لیگ ن کے قائد نواز شریف کی مفرور قرار دینے کے خلاف درخواست سماعت کے لیے مقرر کر دی گئی ہے۔
چیف جسٹس اسلام آباد ہائی کورٹ جسٹس اطہر من اللہ کی سربراہی میں دو رکنی بینچ تشکیل دیا گیا ہے۔چیف جسٹس اسلام آباد ہائی کورٹ اور جسٹس عامر فاروق پیر کے روز درخواست کی سماعت کریں گے۔
نوازشریف کی جانب سے بیرسٹر جہانگیر جدون عدالت میں پیش ہوں گے۔ہائی کورٹ انسٹی ٹیوشن برانچ نے رٹ پٹیشن پر نمبر 2211 الاٹ کر دیا۔
مسلم لیگ ن کے قائد نے توشہ خانہ ریفرنس اسلام آباد ہائی کورٹ میں چیلنج کر رکھا ہے۔نوازشریف کی جانب سے احتساب عدالت کاحکم نامہ چیلنج کیاگیا ہے۔
احتساب عدالت نے نوازشریف کو پیشی کا آخری موقع دے رکھا ہے، 17اگست کو پیش نہ ہونے پر نوازشریف کو اشتہاری قرار دینے کا فیصلہ کیا جائے گا۔
توشہ خانہ ریفرنس : نواز شریف نے احتساب عدالت کا حکم نامہ چیلنج کر دیا
یاد رہے قومی احتساب بیورو (نیب) نے توشہ خانہ ریفرنس میں سابق صدر آصف زرداری اور سابق وزیراعظم نواز شریف کی گاڑیاں قبضے میں لینے کا فیصلہ کیا تھا۔
