کراچی: مارشل آرٹ کے ماہر محمد راشد نسیم کی ’ترغت‘ کے انداز میں کلہاڑی چلانے کی ویڈیو وائرل ہوگئی۔
تفصیلات کے مطابق پاکستان کے لیے سب سے زیادہ گنیز ورلڈ ریکارڈ بنانے والے محمد راشد نسیم بھی ارطغرل غازی کے مداح نکلے، انہوں نے سیریل کے معروف کردار ’ترغت‘ کی طرح کلہاڑی چلائی جس کی ویڈیو سوشل میڈیا پر وائرل ہوگئی۔
ریکارڈ ہولڈر راشد نسیم کی یہ ویڈیو اب تک ہزاروں افراد دیکھ چکے ہیں، انہوں نے ترک ڈرامے کے کردار ترغت سے متاثر ہوکر کلہاڑی کے خطرات اسٹیپ سوشل میڈیا پر شیئر کیے تھے۔
راشد نسیم کا کہنا ہے کہ دوستوں کے کہنے پر ڈرامہ دیکھنا شروع کیا تھا، ترغت کے کردار سے اور کلہاڑی چلانے سے متاثر ہوا اور اسی کی مماثلت والی 12 انچ کی کلہاڑی چلا کر اپنی مہارت دکھائی۔
واضح رہے کہ گزشتہ ماہ مارشل آرٹ کے ماہر راشد نسیم نے پانچ کلو وزن باندھ کر تین منٹ میں 152 بار گھٹنے کے وار ٹارگٹ پر مار کر نیا ریکارڈ بنایا تھا، ان کے انفرادی ریکارڈ کی تعداد 56 ہوگئی تھی۔
گنیز بک آف ورلڈ ریکارڈز کی انتظامیہ نے ای میل کے ذریعے تصدیق کرکے ریکارڈ کی تفصیل ویب سائٹ پر جاری کردی تھیں۔
