کراچی والے ایک بار پھر ہوجائیں تیار، محکمہ موسمیات نے مزید بارشوں کی پیش گوئی کردی، مون سون کا نیا اسپیل بھی بارشوں کا سبب بنے گا۔
محکمہ موسمیات کا کہنا ہے کہ مون سون کا ایک اور سسٹم ہفتہ کو سندھ میں داخل ہونے کا امکان ہے، بارش برسانے والا ہوا کا کم دبائو ہفتہ سندھ میں داخل ہونے کی توقع ہے۔
محکمہ موسمیات کے مطابق ہفتے سےپیر کےدوران کراچی سمیت حیدرآباد، ٹھٹھہ، بدین، شہیدبینظیر آباد اور دادد میں موسلادھار بارش کا امکان ہے۔
کراچی سمیت حیدرآباد،ٹھٹھہ،میرپورخاص اور بدین میں ایک بار پھر اربن فلڈنگ کا خدشہ ہے جب کہ تھرپارکر، نگرپارکر، میرپورخاص،اسلام کوٹ،سانگھڑ،سکھر،لاڑکانہ میں بھی تیز ہوائوں کے ساتھ بارش متوقع ہے۔
محکمہ موسمیات کا کہنا ہے کہ کراچی میں کل ہفتے کے روز بھی موسم ابر آلور رہےگا، اتوار کے روز بھی کالی گھٹائیں چھائی رہیں گی، گرج چمک کے ساتھ کہیں ہلکی تو کہیں تیز بارشیں متوقع ہے۔
