ریاض : سعودی دارالحکومت میں رہائشی عمارت گرنے سے 2 افراد جاں بحق جبکہ 5 زخمی ہوگئے۔
غیر ملکی خبر رساں ادارے کی رپورٹ کے مطابق خلیجی ریاست سعودی عرب کے دارالحکومت ریاض کے علاقے عتیقہ میں مکان گرنے کا واقعہ پیش آیا تھا جس کے نتیجے میں دو افراد ہلاک ہوچکے ہیں۔
واقعے کی اطلاع ملتے ہی ریسکیو ٹیمیں جائے وقوعہ پر پہچنی اور ملبے تلے دبے لوگوں کو نکالنے کےلیے آپریشن شروع کیا۔
- Advertisement -
غیر ملکی میڈیا کا کہنا ہے کہ ریسکیو ٹیموں نے کئی گھنٹوں کی کوشش کے بعد 5 افراد کو زخمی حالت میں نکال لیا۔
ریسکیو اہلکاروں نے زخمی افراد کو فوری طور پر قریبی اسپتال منتقل کیا جہاں انہیں طبی امداد فراہم کی جارہی ہے جبکہ اب بھی ریسکیو اہلکارو سراغ رساں کتوں کی مدد سے مزید افراد کو تلاش کرنے کی کوشش کررہے ہیں۔
