لاہور: قومی ٹیم کے فاسٹ بولر محمد عامر دورہ انگلینڈ سے واپس آئے تو ان کی بیٹی منسا والد سے لپٹ گئی جس کی ویڈیو وائرل ہوگئی۔
تفصیلات کے مطابق قومی کرکٹرز کرونا وبا کے دوران انگلینڈ کا طویل دورہ مکمل کرکے گزشتہ روز وطن واپس پہنچے ہیں، اور کھلاڑیوں کی جانب سے اپنے بچوں کے ہمراہ جذباتی ویڈیوز شیئر کرنے کا سلسلہ جاری ہے۔
فاسٹ بولر محمد عامر کی اہلیہ نرجس عامر نے ان کی بیٹی منسا کی ویڈیو شیئر کی جس میں منسا کو بابا سے لپٹتے ہوئے دیکھا جاسکتا ہے، منسا دیر تک اپنے بابا کو چومتی رہیں، باپ بیٹی کی ویڈیو سوشل میڈیا پر وائرل ہوگئی۔
MashAllah minsa can't get enough of baba…😍😍😍😍😘😘😘😘 pic.twitter.com/mbdcpqOVJL
— Narjis amir (@narjiskhan25) September 3, 2020
محمد عامر کے مداحوں کی جانب سے ویڈیو کو خوب سراہا جارہا ہے اور ان کی بیٹی کی صحت یابی اور اچھے نصیب کی دعائیں دی جارہی ہیں۔
واضح رہے کہ گزشتہ روز اظہر علی اور وہاب ریاض نے بھی اپنے کمسن بیٹوں کے ہمراہ ویڈیو شیئر کی تھی جو سوشل میڈیا پر وائرل ہوگئی تھی۔
خیال رہے کہ قومی ٹیم انگلیںڈ میں ٹی ٹوینٹی سیریز برابر کرکے وطن واپس پہنچی ہے، کرونا کے باعث کھلاڑیوں نے دو ماہ بائیو سیکیور ماحول میں گزارے اور میدان میں ہی پریکٹس کرتے رہے۔
