کینیڈا میں دوران پرواز فیس ماسک نہ پہننے پر دو مسافروں کو جرمانہ کر دیا گیا۔
بین الاقوامی میڈیا رپوٹس کے مطابق فضائی مسافروں کے لیے لازمی قرار دیے گئے فیس ماسک کی پابندی نہ کرنے والے دو افراد پر ایک ایک ہزار ڈالر جرمانہ کیا گیا ہے۔
وزارت ٹرانسپورٹ کا کہنا ہے کہ کورونا پابندیوں کے دوران فضائی مسافروں کو فیس ماسک نہ پہننے پر کیا گیا یہ پہلا جرمانہ ہے۔
- Advertisement -
وفاقی احکامات کے تحت مسافروں کو پابند کیا گیا ہے کہ وہ دوران پرواز اور طیارے سے اترنے کے بعد بھی فیس ماسک لازمی پہننیں گے۔
فیس ماسک نہ پہننے پر جرمانے کے دونوں واقعات ڈومیسٹک فلائٹس کے دوران پیش آئے تھے جس میں فضائی میزبانوں نے بارہا ماسک لگانے کی ہدایت کی جسے مسافروں نے جان بوجھ کر نظر انداز کر دیا تھا۔
