ممبئی: بھارتی شوبز انڈسٹری کے اداکار 42 برس کی عمر میں دار فانی سے کوچ کرگئے۔
بھارتی میڈیا رپورٹ کے مطابق تامل انڈسٹری سے تعلق رکھنے والے اداکار وادی ویل بالاجی کو پندرہ روز قبل دل میں تکلیف کے بعد چنائی اسپتال منتقل کیا گیا تھا۔
ڈاکٹرز نے بتایا تھا کہ انہیں سنگین نوعیت کا دل کا دورہ پڑا ہے اور رگیں بھی بند ہوگئیں ہیں جن کو کھولنے کے لیے سرجری (بائی پاس) ضروری ہے۔
اہل خانہ کے مطابق 42 سالہ اداکار 15 روز سے بیمار تھے اور وہ اسپتال میں ہی زیر علاج تھے، جمعرات کے روز وہ دوران علاج جانبر نہ ہوسکے اور دارِ فانی سے کوچ کرگئے۔
وادی ویل بالاجی کی صاحبزادی اور اہلیہ نے اداکار کے انتقال کی تصدیق کردی ہے۔
میڈیا رپورٹ کے مطابق وادی ویل بالاجی کو شہرت اُس وقت ملی جب انہوں نے وجے ٹی وی کے کامیڈی شو میں حصہ لیا اور سیاستدانوں کی شاندار انداز سے نقل اتاری۔
😢 #RIPVadivelBalaji pic.twitter.com/5D3hgsiimr
— Vijay Television (@vijaytelevision) September 10, 2020
اداکار نے تامل انڈسٹری کی کولاماؤ کوکیلا، پنڈھایام، سٹا پزہم جیسی کامیاب فلموں میں بھی اداکاری کے جوہر دکھائے۔
