کراچی: پاکستانی فلم انڈسٹری کی معروف اداکارہ ماہرہ خان کی موٹر سائیکل چلانے کی ویڈیو سوشل میڈیا پر وائرل ہوگئی۔
تفصیلات کے مطابق اداکارہ ماہرہ خان نے سماجی رابطے کی ویب سائٹ انسٹاگرام پر موٹر سائیکل چلانے کی ویڈیو شیئر کی جسے مداحوں کی جانب سے خوب سراہا جارہا ہے۔
ادکارہ نے لکھا کہ یہ میری موٹرسائیکل چلانے کی تربیت کے دوسرے دن کی ویڈیو ہے تو آپ تصور کرسکتے ہیں کہ میں کتنے اچھے طریقے سے موٹر سائیکل چلاسکتی ہوں۔
ماہرہ خان نے ویڈیو شیئر کرتے ہوئے ادکار فہد مصطفیٰ کو مخاطب کرتے ہوئے لکھا کہ ’آجا میری موٹربائیک پر بیٹھ جا۔‘
واضح رہے کہ اداکار فہد مصطفیٰ اور ماہرہ خان کی فلم ’قائد اعظم زندہ باد‘ کچھ دنوں بعد ریلیز کی جائے گی، ماہرہ خان کا مزید کہنا تھا کہ انہیں موٹر سائیکل چلانے کی تربیت کی تکمیل پر سرٹیفکیٹ بھی ملا ہے۔
اداکارہ نے اس موقع پر پنک رائیڈرز پاکستان کی لڑکیوں کا خصوصی طور پر شکریہ ادا کیا اور کہا کہ آپ لوگ اصل فاتح ہو۔
یاد رہے کہ پنک رائیڈرز موٹر سائیکل چلانے والی ایک سو خواتین کا وہ گروپ ہے جنہوں نے گزشتہ برس کے اوائل میں کراچی میں ایک ریلی منعقد کرکے خواتین کو بااختیار اور انہیں زندگی میں زیادہ خود مختار بنانے کا پیغام دیا تھا۔
