لاہور : مسلم لیگ ن کے رہنما طلال چوہدری پر تشدد کے بعد کی فوری ویڈیو سامنے آگئی، جس میں طلال چوہدری نے کہا خواتین نے مجھے خود تنظیم سازی کیلئے تین بار فون کرکے بلایا تھا۔
تفصیلات کے مطابق مسلم لیگ ن کے رہنما طلال چوہدری پر تشدد کی ویڈیو سامنے آگئی، طلال چوہدری پر تشدد رات ڈھائی بجے کیا گیا، تشدد کےبعد کی ویڈیو میں طلال چوہدری پولیس سے گفتگو کرتے نظر آئے۔
انہوں نےپولیس کوبتایا رات ڈھائی بجے انہیں تنظیم سازی کیلئے تین بار فون کرکے بلایا گیا، اس کے بعد بازو توڑ دیا اور میرا موبائل چھین لیا، ایس پی صاحب کو بلائیں، ان کی خواتین کے نمبرلیں، انہوں نے مجھ کو خود بلایا ہے، سہیل سے کہیں طلال چوہدری بلا رہے ہیں ،انہوں نےمیری ویڈیوزبھی بنائی ہیں۔
ذرائع کے مطابق طلال چوہدری نے مبینہ طور پرخاتون ایم این اے کو ہراساں کیا تھا ، جس پران کے بھائی مشتعل تھے، مبینہ طور پر دونوں جانب سے واقعے کو چھپانے کی کوشش کی گئی۔
خیال رہے مسلم لیگ ن کے رہنماء طلال چوہدری مسلم لیگ کو ن کی خاتون ایم این اے کو ہراساں کرنے کے الزام میں ایم این اے عائشہ رجب کے بھائیوں نے مبینہ تشدد کا نشانہ بنایا تھا۔
ذرائع کے مطابق تشدد کے باعث طلال چوہدری کا بازو دو جگہ سے فریچکر ہوا اور سرپرچوٹیں آئیں ، جس کے بعد لاہور کے نجی اسپتال میں سرجری کرائی گئی تاہم مسلم لیگ ن کے رہنما احسن اقبال مریم اورنگزیب اور عظمی بخاری نے واقعے سے لاعلمی کا اظہارکیا ہے۔
