اسلام آباد : شارجہ کے حکمران کی اہلیہ شیخہ جواہر بنت محمدالقاسمی نے شوکت خانم اسپتال کیلئے 44 لاکھ درہم گرانٹ کا اعلان کردیا، پاکستان نے گرانٹ کا خیر مقدم کرتے ہوئے شیخہ جواہر بنت محمدالقاسمی سے اظہار تشکر کیا۔
تفصیلات کے مطابق شارجہ کے حکمران کی اہلیہ نے شوکت خانم اسپتال کیلئے 44 لاکھ درہم گرانٹ کا اعلان کردیا ، شیخہ جواہر بنت محمدالقاسمی نے پشاور کینسر اسپتال کیلئےگرانٹ کا اعلان کیا۔
رقم شوکت خانم اسپتال پشاور کیلئے جدید طبی آلات کی فراہمی پر خرچ ہوگی اورکینسر اسپتال میں جدید سہولتوں سے 3 ہزار مریض مستفید ہوں گے۔
پاکستان نے اعلان کی گئی گرانٹ کا خیر مقدم کرتے ہوئے شیخہ جواہر بنت محمدالقاسمی سے اظہار تشکر کیا اس حوالے سے وزیراعظم معاون خصوصی برائے اوورسیز پاکستانیز زلفی بخاری نے سماجی رابطے کی ویب سائٹ ٹوئٹر پر اپنے پیغام میں کہا کہ مریضوں کیلئے تعاون پر شیخہ جواہر بنت محمد ال قاسمی کے شکر گزار ہیں، پشاور کینسراسپتال کیلئے1.2 ملین ڈالرز کی فراہمی پر آپ کا شکریہ۔
🇵🇰🇦🇪
Pakistanis are grateful to Sheikha Jawaher Bint Mohammed Al Qasimi, wife of HH the Ruler of Sharjah for her generous support towards treatment of cancer patients in🇵🇰.Thankyou for your contribution of USD 1.2million to Peshawar Cancer Hospital.@ALZAABI82 https://t.co/KZgqEIs3uR
— Sayed Z Bukhari (@sayedzbukhari) October 6, 2020