گلگت: چیئرمین پاکستان پیپلز پارٹی بلاول بھٹو کل کوئٹہ میں ہونے والے پی ڈی ایم کے جلسے میں شرکت نہیں کرینگے۔
اے آر وائی نیوز کے مطابق بلاول بھٹو انتخابی مہم کے سلسلے میں اس وقت گلگت بلتستان میں موجود ہیں، جس کی وجہ سے وہ کل پی ڈی ایم کے تحت ہونے والے جلسے میں شریک نہیں ہونگے۔
ترجمان پیپلزپارٹی نے کوئٹہ جلسے میں بلاول کی عدم شرکت کی تصدیق کرتے ہوئے کہا کہ بلاول بھٹو گلگت بلتستان
میں انتخابی مہم میں مصروف ہونے کے باعث کوئٹہ نہیں جاسکے ہیں۔
بلاول بھٹو نے آج اسکردو میں انتخابی جلسے سے خطاب کرتے ہوئے کہا کہ گلگت بلتستان کے عوام شہید ذوالفقار علی بھٹو کی سبسڈی کی وجہ سے آج تک گندم پر فائدہ اٹھارہے ہیں۔
یہ بھی پڑھیں: بی بی کا وعدہ پورا کرنا ہے، بلاول بھٹو
بلاول بھٹو زرداری نے کہا کہ سب سے زیادہ تعلیمی ادارے اور اسپتال پیپلز پارٹی نے بنائے، عمران خان کو خیبر پختونخوا میں حکومت کرتے ہوئے 7 سال ہوگئے ایک نیا اسپتال نہیں بنا۔
پی پی چیئرمین نے کہا کہ جنوبی پنجاب سے پوچھیں 2018ء میں صوبہ بنانے کا وعدہ کیا تھا، اب تک پورا نہیں ہوا، موجودہ حالات میں مزدور، کسان سب سراپا احتجاج ہیں۔
