لاہور : صدر مملکت نے کرونا سے متعلق گفتگو میں کہا ہے کہ بھارت اور پاکستان میں زمین و آسمان کا فرق ہے، کرونا وبا پر قابو پانے میں پاکستان نے کردار ادا کیا ہے۔
ان خیالات کا اظہار سربراہ مملک ڈاکٹر عارف علوی نے کرونا ہیروز وال کے افتتاح کے موقع پر کیا، ان کا کہنا تھا کہ حکومت نے کرونا وبا کا ڈٹ کر مقابلہ کیا، کرونا وبا کے خلاف پاکستان پر اللہ کا خصوصی کرم رہا۔
ڈاکٹر عارف علوی کا کہنا تھا کہ کرونا وبا پر قابو پانے میں پاکستان نے کردار ادا کیا اسی لیے پاکستان اور بھارت کے درمیان زمین و آسمان کا فرق ہے۔
انہوں نے کہا کہ ہمیں لسانیت سے ہٹ کر غریبوں کی فکر کرنی چاہیے، پاکستان نے ہر طبقے کی فکر میں کردار ادا کیا ہے۔
صدر مملکت عارف علوی کا مزید کہنا تھا کہ سار قوم اللہ کے بندوں کی فکر میں مصروف تھی۔
اس موقع پر گورنر پنجاب چوہدری محمد سرور نے گورنر سندھ عمران اسماعیل اور صدر پاکستان کا شکریہ ادا کرتے ہوئے کہا کہ 6 ہفتے میں اس عمارت کو مکمل کیا، گورنر ہاوس اورکیفے وغیرہ کے اخراجات مخیر حضرات نے برداشت کے۔
چوہدری سرور کا کہنا تھا کہ ڈاکٹرز، نرسز، پیرا میڈیکل اسٹاف کو خراج عقیدت پیش کرتے ہیں، پاک فوج، این سی او اسی سمیت پی ڈی ایم اے نے بڑا کردار ادا کیا۔
گورنر پنجاب کا کہنا تھا کہ آج کے دن میں لوگوں کو خراج عقیدت پیش کرتا ہوں، اخوت کے بانی ڈاکٹر امجد ثاقب نے اپنا کردار ادا کیا۔
