واشنگٹن: امریکا میں چھوٹا طیارہ گر کر تباہ ہوگیا جس کے نتیجے میں ایک شخص ہلاک ہوگیا۔
غیرملکی خبررساں ادارے کی رپورٹ کے مطابق امریکی ریاست مونٹانا کے بلنگ لوگان انٹرنیشنل ایئرپورٹ کے قریب ایک انجن والا چھوٹا طیارہ گر کر تباہ ہوگیا جس کے نتیجے میں ایک شخص ہلاک ہوگیا۔
رپورٹ کے مطابق ایئر ٹریفک کنٹرول نے حادثے کی اطلاع صبح 7 بجکر 05 منٹ پر دی، طیارہ ایئرپورٹ روڈ کے شمال میں ریم ٹاپ ڈرائیو سے دور جنگل میں گر کر تباہ ہوا۔
ایئرپورٹ آپریشن سپروائزر میکارتھی کا کہنا ہے کہ ’طیارے کا ماڈل سیسنا 172 تھا، انہوں نے ہلاک ہونے والے پائلٹ کا نام جاری نہیں کیا اور یہ بھی نہیں بتایا گیا ہے کہ طیارہ کہاں سے حاصل کیا گیا تھا۔
میکارتھی کا کہنا ہے کہ حادثے سے متعلق فیڈرل ایوی ایشن ایڈمنسٹریشن اور نیسنل ٹرانسپورٹٰیشن سیفٹی بورڈ سے رابطہ کرلیا گیا ہے، حادثے کی تحقیقات جاری ہیں۔
انہوں نے بتایا کہ حادثے کے بعد بلنگس ایئرپورٹ فائر ڈیپارٹمنٹ نے امدادی کارروائیوں کا آغاز کردیا ہے۔
یاد رہے کہ 21 ستمبر کو امریکی ریاست ٹیکساس میں مسافر بردار طیارہ ہنگامی لینڈنگ کے دوران گر کر تباہ ہوگیا جس کے نتیجے میں 4 افراد ہلاک ہوگئے۔
