نئی دہلی: بھارت میں پسند کی شادی کرنے کے لیے لڑکی نے انوکھا طریقہ اپنایا اور اشتہارات کے لیے لگے کھمبے پر چڑھ گئی، واقعہ سوشل میڈیا پر مذاق بن گیا۔
غیرملکی خبررساں ادارے کی رپورٹ کے مطابق بھارتی ریاست مدھیا پردیش میں لڑکی اپنے دوست سے پسند کی شادی کرنا چاہتی ہے لیکن والدہ کے خلاف ہونے پر لڑکی نے اپنی بات منوانے کے لیے عجیب وغریب منطق اپنائی۔
رپورٹ کے مطابق اندور میں مذکورہ لڑکی اپنا مطالبہ منوانے کی غرض سے اشتہارات کے لیے لگے کھمبے پر چڑھ گئی اور اپنی والدہ کو مجبور کردیا کہ وہ پسند کی شادی کرنے دیں۔
بعد ازاں جس لڑکے سے وہ شادی چاہتی ہے اس کے اسرار پر لڑکی کھمبے سے نیچے اتر گئی۔
سوشل میڈیا پر یہ واقعہ زیربحث ہے، صارفین کی بڑی تعداد مذکورہ لڑکی کا مذاق اڑا رہی ہے۔ ایک صارف نے لکھا کہ یہ حقیقت ہے یا کوئی فلمی سین؟۔
Comments
- Advertisement -
