امریکی ریاست جنوبی کیلورینیا سے تعلق رکھنے والی خاتون نے قدیم دیوقامت شارک کا دانت دریافت کرنے کا دعویٰ کیا ہے۔
کیلورینیا سے تعلق رکھنے والی خاتون میگالوڈون نے دعویٰ کیا کہ انہیں قدیم اور دیوقامت شارک کا دانت ملا ہے۔
ماہرین کے مطابق خاتون کو 3 کروڑ 60 لاکھ سال قدیم دانت ملا جو شارک کا ہے اور یہ نسل معدوم ہوچکی ہے۔ماہرین کے مطابق زمانہ قدیم میں جانوروں کے دانت بہت بڑے ہوتے تھے۔
خاتون کا کہنا ہے تھا کہ یہ دانت سفید شارک کی قدیم نسل کا تھا۔
رپورٹ کے مطابق خاتون اپنے خاوند کے ساتھ جب شکار کے لیے جزیرے پر پہنچیں تو اسی دوران اُن کی نظر دانت پر پڑی جسے انہوں نے اٹھایا اور پھر وہ اسے اپنے ساتھ گھر پر لے آئیں۔
خاتون نے بتایاکہ یہ دانت ناریل کے برابر ہے بلکہ اگر یوں کہا جائے کہ ناریل اس میں فٹ آرہا ہے تو بھی غلط نہ ہوگا۔ حجم کے ساتھ اس دانت کا وزن بھی غیر معمولی ہے جبکہ یہ دکھنے میں بھی گہرے رنگ کا ہے۔
خاتون نے اس دانت کی تصویر سماجی رابطے کی ویب سائٹ فیس بک پر شیئر کرتے ہوئے بتایا کہ آبی حیات پر تحقیق کرنے والے ماہرین نے بھی تصدیق کی کہ دانت شارک کا ہی ہے۔