راولپنڈی: آرمی چیف جنرل قمرجاویدباجوہ سے امریکی ناظم الامور انجیلااگلر نے ملاقات کی، اس موقع پر علاقائی سیکیورٹی صورت حال سمیت دیگر اہم امور پر تبادلہ خیال کیا گیا۔
تفصیلات کے مطابق جنرل قمر جاوید باجوہ اور انجیلااگلر کے درمیان ہونے والی ملاقات میں باہمی دلچسپی کے امور سمیت افغانستان میں جاری امن عمل پر بھی بات چیت کی گئی۔
اس موقع پر امریکی ناظم الامور نے کہا خطے میں کشیدگی کم کرنے کے لیے پاکستان کا کردار قابل تحسین ہے۔
#US Charge d’ Affaires met #COAS. Regional security sit, Afg Peace Process discussed. Visiting dignitary appreciated Pak’s contributions 4 conflict prevention in region & relentless support provided in Afg Peace Process, assured US cont assistance 4 common cause of peace in Afg. pic.twitter.com/AeJqkrxq4G
— DG ISPR (@OfficialDGISPR) November 19, 2020
آرمی چیف سے ملاقات کے دوران امریکی ناظم الامور انجیلااگلر نے افغان امن مشترکہ کاز کے لیے تعاون جاری رکھنے کی یقین دہانی کرائی۔
خیال رہے کہ افغان امن عمل میں امریکا اس سے قبل بھی پاکستان کے کردار کی تعریف کرتا رہا ہے۔ پاکستان نے خطے کی سلامتی کے لیے ہمشیہ بات چیت کے عمل پر زور دیا۔
رواں سال اگست میں وزیرخارجہ شاہ محمود قریشی کی دعوت پر طالبان کے وفد نے پاکستان کا دورہ کیا تھا اور افغان امن عمل سے متعلق بات چیت کی تھی۔
