نئی دہلی: بھارتی حکومت نے خلیج بنگال میں بننے والے سمندری طوفان نیوار کے پیش نظر ایمرجنسی نافذ کردی، جس کے تحت بدھ اور جمعرات کو سرکاری سطح پر عام تعطیل کا اعلان کیا گیا ہے۔
بھارت کے محکمہ موسمیات کی پیش گوئی کی روشنی میں حکومت نے ساحلی علاقوں میں رہنے والوں کو تیار رہنے اور انہیں محفوظ مقام پر منتقل کرنے کا آغاز کردیا جبکہ کسی بھی صورت حال سے نمٹنے کے لیے ایمرجنسی بھی نافذ کردی گئی ہے۔
بھارتی میڈیا رپورٹ کے مطابق ہوا کے کم دباؤ کی وجہ سے ’نیوار‘ طوفان شدت اختیار کر گیا ہے، آج رات یہ طوفان تامل ناڈو اور پانڈے چری کے ساحلی علاقوں سے ٹکرائے گا۔ جس کے پیش نظر سمندری علاقوں سے تقریبا ڈیڑھ لاکھ سے زائد افراد کو محفوظ مقامات کی طرف منتقل کیا گیا ہے۔
بھارت میں طوفان کی آمد سے قبل ساحلی علاقوں میں طوفانی بارش کا سلسلہ جاری ہے، تیز ہواؤں کی وجہ سے درخت اکھڑ گئے جبکہ بجلی کے کھمبے بھی گر گئے جس کی وجہ سے بجلی کی ترسیل میں خلل پیدا ہوا۔
Very severe cyclonic storm Nivar now lies about 50 km east-southeast of Cuddalore, about 40 km east southeast of Puducherry.Landfall process commence.Centre of cyclone to cross coast near puducherry within next 3 hours. visit https://t.co/XZd6NinWQK pic.twitter.com/aDT1MZJYbZ
— India Meteorological Department (@Indiametdept) November 25, 2020
بھارتی ریاست تامل ناڈو میں بدھ اور جمعرات کو سرکاری سطح پر عام تعطیل کا اعلان کیا گیا ہے جبکہ حکومت نے چنائی ائیرپورٹ کو بھی دو روز کے لیے بند کردیا۔
