کراچی: کرونا وائرس ایمرجنسی فنڈز کہاں کتنا خرچ ہوا ؟محکمہ مالیات سندھ کی جانب سے اخراجات سے متعلق تفصیلی رپورٹ سامنے آگئی ہے۔
اے آر وائی نیوز کے مطابق محکمہ مالیات سندھ کی جانب سے جاری رپورٹ میں انیس مارچ سے17نومبر تک کےاعدادو شمار بیان کیےگئےہیں، رپورٹ میں بتایا گیا ہے کہ سندھ میں رواں سال فروری میں کرونا کےمریض سامنےآنا شروع ہوئے، جس پر سندھ حکومت نے انیس مارچ کو کروناوائرس ایمرجنسی فنڈقائم کیا۔
محکمہ مالیات سندھ کے مطابق انیس مارچ سے تیس جون تک فنڈ میں تین ارب64کروڑ44 لاکھ کی رقم جمع ہوئی، آلات خریداری، فیلڈآئسولیشن سینٹرپر ایک ارب21کروڑ48لاکھ سےزائدخرچ ہوئے، صرف فیلڈ آئسولیشن ایکسپو سینٹرپر13کروڑ39لاکھ 35ہزارکےاخراجات آئے، اس دوران3کروڑ 56لاکھ روپےکےعطیات بھی موصول ہوئے۔
رپورٹ کے مطابق یکم جولائی کو فنڈمیں2 ارب42کروڑ 95لاکھ کی رقم موجود تھی، آلات، ٹیسٹنگ کٹس کی مزیدخریداری پر ایک ارب53کروڑ5لاکھ خرچ ہوئے، کرونا ایمرجنسی فنڈمیں اس وقت تک 93کروڑ47لاکھ26ہزارسےزائدرقم موجودہے۔
