امریکی ریاست مینیسوٹا میں پائلٹ نے چھوٹے طیارے کی ہنگامی لینڈنگ کی اور اُسے مصروف شاہراہ پر اتار دیا۔
امریکی میڈیا رپورٹ کے مطابق ریاست مینیسوٹا کے علاقے منیاپولس کے ہائی وے پر پائلٹ نے چھوٹا طیارہ اتارا ، خوش قسمتی سے ہنگامی لینڈنگ کے دوران کوئی جانی نقصان نہیں ہوا۔
رپورٹ میں بتایا گیا ہے کہ بدھ کی رات پائلٹ ارڈن ہلز کے قریب جہاز اڑا رہا تھا کہ اچانک انجن میں خرابی پیدا ہوئی تو اُس نے ہنگامی لینڈنگ کا فیصلہ کیا۔
پائلٹ نے جہاز اتارنے کے لیے ہائی وے کا انتخاب کیا اور کمال مہارت کے ساتھ طیارے کو اتارنے میں کامیاب رہا۔
ہنگامی لینڈنگ کی ویڈیو بھی سامنے آگئی جس میں دیکھا جاسکتا ہے کہ سڑک پر گاڑی رفتار کے ساتھ چل رہی تھی تو سیکنڈز کے فرق سے وہاں سے جہاز گزرا۔
ریمسے کاؤنٹی شیرف فیڈریشن کی جانب سے جاری بیان میں تصدیق کی گئی ہے کہ طیارے کا انجن خراب ہوگیا تھا جس کی وجہ سے پائلٹ کو ہائی وے پر ہی جہاز اتارنے کا فیصلہ کرنا پڑا۔
ICYMI: A plane landed on 35W last night. (Yes, really!)
While this isn’t *quite* what we mean by a "multimodal transportation system,” we’re glad no one was injured and are impressed by the pilot’s effort to #zippermerge from above! pic.twitter.com/imPdiQ1wMX
— Minnesota Department of Transportation (@MnDOT) December 3, 2020
جہاز کی ہنگامی لینڈنگ کے بعد مینیسوٹا محکمہ ٹریفک کے حکام اور ریسکیو ادارے جائے وقوعہ پر پہنچے جہاں انہوں نے پائلٹ کو فوری طور پر اسپتال منتقل کیا۔ رپورٹ کے مطابق حادثے میں پائلٹ معمولی زخمی ہوا ہے جو اس وقت اسپتال میں زیر علاج ہے۔
