ممبئی : معمر خاتون پر 100 روپے کے عوض مظاہروں میں شرکت کا الزام کنگنا راناوت کو مہنگا پڑگیا، گلوکار میکا سنگھ اور اداکار دلجیت دوسانج نے بھی اداکارہ کو رسوا کرنا شروع کردیا۔
بالی ووڈ فلم پنگا کی ہیروئن اداکارہ کنگنا راناوت کو بٹھنڈا کے بہادر گڑھ جاندیاں گاوں کی رہائشی موہیندر کور سے پنگا لینا شدید مہنگا پڑرہا ہے، پہلے تو صرف عوام اور پنجابی برادری اداکارہ کو آڑے ہاتھوں لے رہی تھی، اب پنجاب سے تعلق رکھنے والے گلوکار اور اداکار نے بھی کنگنا کو آئینہ دکھانا شروع کردیا ہے۔
اداکار دلجیت دوسانج اور کنگنا راناوت کے درمیان ٹوئٹر پر لفظی جنگ جاری ہے اور جیسے جیسے ان کے درمیان جنگ میں شدت آتی گئی، پنجاب سے تعلق رکھنے والی دیگر شخصیات بھی اس میں شامل ہوتی گئیں، جن میں ورا بھاسکر، گپی گریوال، راج نیت باوا اور ایمی ورک شامل ہیں۔
اداکار نے کنگنا کو مخاطب کرتے ہوئے 73 سالہ موہیندر کور کی ایک ویڈیو بھیجی جس میں انہوں نے کسانوں کی حمایت اور کنگنا کے 100 روپے والے دعوے کو غلط قرار دیا تھا۔
Respected MAHINDER KAUR JI 🙏🏾
Ah Sunn La Ni With Proof @KanganaTeam
Banda Ena V Ni Anna Hona Chaida..
Kush v Boli Turi jandi aa .. pic.twitter.com/Ie1jNGJ0J1
— DILJIT DOSANJH (@diljitdosanjh) December 2, 2020
دلجیت دوسانج نے ویڈیو کے ساتھ لکھا کہ ’دعویٰ کرنے سے پہلے ثبوت چیک کرلیا کرو‘۔
میکا سنگھ نے بھی کنگنا راناوت پر تنقید کرتے ہوئے کہا کہ ’یہ پاگل ہے اسے اپنی زندگی جینے دو‘ انہوں نے کنگنا کو مخاطب کیا کہ ’بیٹا کنگنا ہلکے لوگوں کو تنقید کا نشانہ بناو جیسے کرن جوہر، رنویر، رتک روشن اور دیگر بالی ووڈ شخصیات لیکن اس طرح مت آنا‘۔
Saada intention hain to support our farmers, so let’s focus there. She is crazy, so let her live her life. Beta @KanganaTeam when target soft people like @karanjohar @RanveerOfficial @iHrithik or other celebs from Bollywood you get away with it but Puttar ji iss taraf mat aao. https://t.co/sWS9WHtTSd
— King Mika Singh (@MikaSingh) December 4, 2020
دوسری جانب عوام کی جانب سے بھی بالی ووڈ اداکارہ کو شدید ذہنی بیمار قرار دیا گیا اور سرعام عوام نے ایک مجسمہ رکھ کر اسے کنگنا قرار دیا اور دماغ کا فرضی آپریشن کیا تاکہ کنگنا کے دماغ سے اشتعال انگیزی اور بدتہذیبی نکالی جاسکے۔
https://t.co/cyp6g4Oexl pic.twitter.com/YyW5TYe5PF
— Gippy Grewal (@GippyGrewal) December 3, 2020
خیال رہے کہ ایک روز قبل کنگنا راناوت کی جانب سے ایک ٹوئٹ کیا گیا تھا جس میں انہوں نے کسان تحریک اور بزرگ خواتین کے خلاف غلط زبان کا استعمال کیا تھی۔
یہ بھی پڑھیں : 100روپے کے عوض دھرنے میں شرکت، ’دادی‘ کنگنا رناوت پر برس پڑیں
اپنے ٹویٹ میں کنگنا نے کسان تحریک میں شامل ایک بزرگ خاتون کے بارے میں لکھا کہ یہ دادی 100 روپے میں دستیاب ہیں، ساتھ ہی انہوں نے بھارت میں چلنے والی کسان تحریک کے حوالے سے پاکستان پر بھی الزامات عائد کیے اور تحریک کو اسپانسرڈ قرار دیا۔
