ریاض: سعودی عرب میں الیکٹرک گاڑیوں کے لیے بجلی کی قیمت کا تعین مارکیٹ پر چھوڑ دیا گیا ہے، ریگولیٹری اتھارٹی کے مطابق اس کی ایک حد متعین کردی جاتی ہے بشرطیکہ اس کی فروخت مخصوص اسٹیشنوں سے ہو۔
سعودی ویب سائٹ کے مطابق سعودی بجلی ریگولیٹری اتھارٹی کے مطابق چارج ہونے والی گاڑیوں کے لیے بجلی سستی نہیں کی جا رہی بلکہ اسے مارکیٹ میں قیمتوں کے تعین پر چھوڑا جا رہا ہے۔
بجلی ریگولیٹری اتھارٹی کے مطابق اس فیصلے کا مقصد یہ ہے کہ غیر ضروری اسٹاک اور مقابلے بازی پر کنٹرول کیا جا سکے اور اس کام کے لیے ضوابط کو مدنظر رکھتے ہوئے مارکیٹ پر قیمتوں کا کام چھوڑ دیا گیا ہے۔
ریگولیٹری اتھارٹی کے مطابق اس کی ایک حد متعین کردی جاتی ہے بشرطیکہ اس کی فروخت مخصوص اسٹیشنوں سے ہو۔
اتھارٹی کی طرف سے جاری کردہ الیکٹرک گاڑی چارج کرنے کے لیے ضابطہ کار کے تحت اسٹیشنوں کے مالکان اور آپریٹرز کو الیکٹرک وہیکل چارجنگ کا سامان موبائل جنریشن یونٹس کے استعمال کے ذریعہ بجلی کی کھپت سے منع کرتا ہے۔
اس ضابطے میں برقی گاڑیوں کے مالکان کو ان سہولیات کی حدود میں گاڑیوں کے لیے رہائشی چارجنگ کا سامان نصب کرنے کا اختیار دیا گیا ہے، جس سے وہ خدمات فراہم کرنے والے اور برقی گاڑیوں کی سازو سامان کے ساتھ ہم آہنگی کرنے کا پابند ہوں گے۔
اسٹیشن مالکان کو بجلی کی گاڑیاں چارج کرنے کے لیے کسی بھی اسٹیشن یا آلات کو انسٹال اور چلانے سے پہلے بجلی تقسیم کرنے والی اتھارٹی کی منظوری حاصل کرنے کی پابند بناتی ہے تاکہ بجلی کی دستیابی کو یقینی بنایا جا سکے۔
