کرونا وائرس نے دنیا کو ایسے لپیٹ میں لیا کہ سماجی رابطوں کی ویب سائٹز بھی کوویڈ 1 سے بھرگئی، کوویڈ 19 ہیش ٹیگ کیساتھ 400ملین مرتبہ ری ٹوئٹ ہوا۔
تفصیلات کے مطابق مائیکرو بلاگنگ و ویڈیو شیئرنگ ایپلی کیشن ٹوئٹر کی جانب سے رواں سال (2020) میں سب سے زیادہ چلنے والے ہیش ٹیگ کے اعداد و شمار جاری کیے ہیں۔
ٹوئٹر انتظامیہ کے جاری کردہ اعداد و شمار سے معلوم پڑا ہے کہ کرونا وائرس نے جس طرح ساری دنیا کو اپنا شکار بنارکھا ہے اسی طرح ٹوئٹر پر بھی ہر طرف کوویڈ 19 کا ہی شور تھا۔
ٹوئٹر انتظامیہ کا کہنا ہے کہ سال دو ہزار بیس میں ٹوئٹر پر کرونا کا ہی قبضہ رہا اور چار سو ملین بار کووڈ نائٹین ہیش ٹیگ کےساتھ ری ٹوئٹ کیا گیا۔
ویب سائٹ کے جاری اعداد شمار میں بتایا گیا ہے کہ رواں سال سب سے زیادہ اداکار چیڈوِک بوسمین کی موت کی خبر کو شیئر اور لائیک کیا گیا جبکہ ڈونلڈ ٹرمپ کو ٹوئٹر پر سب سے زیادہ بحث کیا جانے والا شخص قرار دیا۔
ٹوئٹر کا کہنا ہے کہ میوزیکل بینڈ بی ٹی ایس کو رواں برس سے زیادہ ٹوئٹ کیا جانے والا میوزیکل بینڈ کا اعزاز مل گیا۔
