راولپنڈی : انسدان دہشت گردی فورس نے راولپنڈی میں کارروائی کرتے ہوئے تین خطرناک دہشت گردوں کو گرفتار کرلیا۔
تفصیلات کے مطابق انسداد دہشت گردی فورس کی جانب سے دھماکوں میں ملوث دہشت گردوں کے خلاف خفیہ اطلاعات پر راولپنڈی میں کارروائی کی گئی تھی۔
ترجمان سی ٹی ڈی کا کہنا ہے کہ تینوں دہشت گرد راولپنڈی میں ہونے والے چار بم دھماکوں میں ملوث تھے جبکہ تینوں دہشت گرد پیرودگائی بم دھماکے میں بھی ملوث تھے۔
- Advertisement -
ترجمان کا کہنا تھا کہ گرفتار دہشت گرد اسلام آباد اسٹاک ایکس چینج پر دھماکے کا منصوبہ بنارہے تھے۔
ترجمان انسداد دہشت گردی فورس کا کہنا ہے کہ مذکورہ دہشت گرد دریائے سوان راولپنڈی کے قریب چھپے ہوئے تھے، سی ٹی ڈی نے دہشت گردوں کے قبضے سے دھماکہ خیز مواد اور دیگر سامان بھی برآمد کرلیا۔
