کراچی: قومی ٹیم کے فاسٹ بولر حسن علی انجری کے بعد کم بیک کرتے ہی بلے بازوں پر قہر بن کر ٹوٹ پڑے۔
تفصیلات کے مطابق قومی ٹیم کے فاسٹ بولر حسن علی نے انجری سے نجات حاصل کرلی، فاسٹ بولر نے قائد اعظم ٹرافی کی پہلی اننگز میں 5 اور دوسری اننگز میں 3 وکٹیں حاصل کیں۔
فاسٹ بولر نے ناصرف بولنگ بلکہ بیٹنگ میں بھی شاندار سنچری جڑ دی، حسن علی ڈومیسٹک سیزن میں سینٹرل پنجاب کی قیادت کررہے ہیں۔
50 not out with the bat
8-75 with the ball@RealHa55an leading Central Punjab by example.#BALvCP | #QeA20 | #HarHaalMainCricket pic.twitter.com/1CnZUYoe8l— Pakistan Cricket (@TheRealPCB) December 15, 2020
حسن علی نے 33 گیندوں پر برق رفتار نصف سنچری اسکور کی، حسن علی کی قیادت میں سینٹرل پنجاب نے مسلسل دوسری کامیابی حاصل کی ہے۔
فاسٹ بولر کے آگے عدنان اکمل اور عمران فرحت کے علاوہ کوئی بیٹسمین نہ چل سکا، دونوں نے بالترتیب 33 اور 30 رنز کی اننگز کھیلی۔
Hassan Ali's bowling figures in the last 5 innings:
3-43
5-32
3-30
4-48
4-66#Cricket #qeatrophy pic.twitter.com/qshYDHcifz— Saj Sadiq (@Saj_PakPassion) December 15, 2020
واضح رہے کہ فاسٹ بولر حسن علی اس سے قبل نیشنل ٹی ٹوینٹی کپ میں فٹنس مسائل پر قابو پانے کے بعد واپس آئے تھے لیکن انجری کے سبب انہیں ڈومیسٹک سیزن ادھورا چھوڑ نا پڑا تھا۔
حسن علی کی واپسی پر ان کے مداحوں نے خوشی کا اظہار کیا اور ان کے لیے نیک تمناؤں کا اظہار کیا ہے۔