اوٹاوا: کینیڈا میں خاتون کو گاڑی اسٹارٹ کرکے چھوڑنا مہنگا پڑ گیا، پالتو کتا گاڑی سمیت کھائی میں جاگرا۔
غیرملکی خبررساں ادارے کی رپورٹ کے مطابق کینیڈا کے صوبے اونٹاریو میں کتے نے خاتون مالک کی دوڑیں لگوادیں، خاتون نے گاڑی اسٹارٹ کرکے چھوڑ دی اور باہر نکل گئیں کتے سے حادثاتی طور پر گاڑی چل گئی۔
رپورٹ کے مطابق پالتو کتے سے حادثاتی طور پر گاڑی کا گیئر لگ گیا اور گاڑی چلتے ہوئے کتے سمیت کھائی میں گرگئی۔
خاتون نے گاڑی کو آگے جاتے دیکھ کر اسے روکنے کی ہر ممکن کوشش کی لیکن وہ اس میں ناکام رہیں۔
مذکورہ واقعہ گزشتہ دنوں کینیڈا کے صوبے اونٹاریو کے جانسٹن روڈ پر پیش آیا، گاڑی روکنے کی کوشش کے دوران خاتون زخمی ہوگئیں۔
پالتو کتے کی مالکن کو معمولی چوٹیں آئیں اسپتال میں طبی امداد کی فراہمی کے بعد انہیں اسپتال سے ڈسچارج کردیا گیا۔
خاتون نے اپنی غلطی ماننے کی بجائے حادثے کا ذمہ دار اپنے پالتو کتے کو ہی ٹھہرادیا، دوسری جانب کینیڈین پولیس نے اس حوالے سے سوشل میڈیا پر ایک پیغام دلچسپ میم کے ساتھ شیئر کیا۔
#GrenvilleOPP had a unique culprit in a single vehicle collision. On Dec 9th officers were called to Johnston Rd in @North_Grenville A vehicle had been inadvertently set in motion by a dog inside. The owner sustained minor injuries attempting to stop the vehicle. #BadDog ^bd pic.twitter.com/V8A03oqt5r
— OPP East Region (@OPP_ER) December 15, 2020
