وفاقی وزیر اطلاعات و نشریات شبلی فراز نےکہا ہے کہ میڈیا پر کسی قسم کا دباؤ نہیں ڈالاگیا، خود پر تنقیدمثبت انداز میں لیتے ہیں۔
ٹوئٹر پر جاری بیان میں شبلی فراز نے لکھا کہ برطانوی نشریاتی ادارے سےکی گئی بات پر قائم ہوں، پاکستان میں میڈیا آزاد اور فعال ہے۔
وزیر اطلاعات کا کہنا تھا کہ اظہار رائے کے بنیادی، آئینی اور جمہوری حق پر کامل یقین رکھتےہیں، حکومت کی جانب سےکسی چینل یااخبارکوکبھی پریس ایڈوائس جاری نہیں کی۔
انہوں نے واضح کیا کہ میڈیا پر کسی قسم کا دباؤ نہیں ڈالاگیا، خود پر تنقیدمثبت انداز میں لیتے ہیں۔
بی بی سی سے کی گئی اپنی بات پر قائم ہوں کہ پاکستان میں میڈیا آزاداورفعال ہے۔اظہار رائےکےبنیادی،آئینی اورجمہوری حق پر
کامل یقین رکھتےہیں۔حکومت کی جانب سے کسی چینل یااخبار کوکھبی پریس ایڈوائس جاری نہیں کی گئی اورنہ ہی کسی قسم کا دباؤڈالا گیا۔خود پر تنقید مثبت انداز میں لیتے ہیں۔ https://t.co/AdCzOGGoEK— Senator Shibli Faraz (@shiblifaraz) December 20, 2020
شبلی فراز نے بی بی سی سے گفتگو میں کہا تھا کہ پاکستان میں اظہار رائے کی جتنی آزادی ہے میرے خیال میں کسی دوسرے ملک میں کم ہی ہوگی۔
انہوں نے کہا کہ پاکستان میں میڈیا قوانین کے تحت سینسرشپ یا پریس ایڈوائس کی کوئی گنجائش نہیں اور نہ ہی موجودہ حکومت اس طرح کے ہتھکنڈوں کی حوصلہ افزائی کرتی ہے جس سے ادبی یا صحافتی آزادی پر کوئی قدغن لگائی جائے۔
