وکٹ کیپر بیٹسمین محمد رضوان نے کہا ہے کہ میں نے کبھی نہیں سوچا تھا کہ پاکستان ٹیم کا کپتان بنوں گا۔
بابراعظم کے انجرڈ ہونے پر محمد رضوان کو نیوزی لینڈ کے خلاف ٹی ٹوئنٹی کی قیادت سونپی گئی اور پہلے ٹیسٹ میں بھی وہ کپتانی کے فرائض انجام دیں گے۔
محمد رضوان کی شاندار اننگز کے باعث پاکستان نے نیوزی لینڈ کو تیسرے ٹی ٹوئنٹی میں 4 وکٹوں سے شکست دی۔وکٹ کیپر بلے باز محمد رضوان نے کیرئیربیسٹ89رنزکی اننگز کھیل کر تیسرے ٹی ٹوئنٹی کو جتوانے میں اہم کردار ادا کیا، آل راؤنڈر محمد حفیظ نے بھی 41 رنز کی عمدہ اننگز کھیلی۔
Mohammad Rizwan's 89 leads Pakistan to four-wicket win in third T20I
More: https://t.co/4oATyvr7QR#NZvPAK | #HarHaalMainCricket | #BackTheBoysInGreen pic.twitter.com/GsdiRMN1oV
— PCB Media (@TheRealPCBMedia) December 22, 2020
بہترین کارکردگی پر محمد رضوان کو میچ آف دی میچ کا ایوارڈ دیا گیا، اس موقع پر گفتگو میں ان کا کہنا تھا کہ قومی ٹیم کی قیادت کرنا میرے لیے اعزاز ہے، کبھی سوچا نہیں تھا کہ پاکستان ٹیم کی کپتانی کروں گا۔
کیویز کیخلاف قومی ٹیسٹ اسکواڈ کا اعلان، محمد رضوان قیادت کریں گے
محمد رضوان نے کہا کہ کپتان بننے پر بے حدخوش ہوں اور ٹیم کی جیت سے مورال بھی بلند ہوا ہے جو کہ ٹیسٹ سیریز سے قبل ٹیم کے لیے اچھا ہے، ہمیں اب اس کارکردگی کے تسلسل کو برقرار رکھنا ہے۔