لاہور : فردوس عاشق اعوان نے کہا ہے کہ مارچ اور استعفوں کی گیدڑ بھبکیاں دینے والوں کا لونگ گواچ چکا ہے۔
ان خیالات کا اظہار وزیر اعلیٰ پنجاب کی معاون خصوصی برائے اطلاعات ڈاکٹر فردوس عاشق اعوان نے اپوزیشن جماعتوں پر تنقید کرتے ہوئے کیا، انہوں نے کہا کہ استعفے صرف ڈرامہ ہے پی ڈی ایم کا ٹولہ کبھی استعفے نہیں دے گا۔
فردوس اعوان نے کہا کہ ملکی دولت بے دردی سے لوٹنے والوں میں لانگ مارچ کی ہمت نہیں، یہ گھٹیا اپوزیشن ہے، جسے راجکماری ہانگ رہی ہے اور سندھ کا شہزادہ بے بسی اور لاچارگی کی علامت بن چکا ہے۔
معاون خصوصی برائے اطلاعات کا کہنا تھا کہ مولانا کی منفی سیاست کا جنازہ نکل چکا ہے، کنیز اول اور کنیز دوم کی حالت قابل رحم ہے۔
ان کا کہنا تھا کہ کرونا وبا میں انسانی زندگیوں کو داؤ پر لگانے والوں کو شرم ہے نہ حیا، اپوزیشن نے ڈھٹائی کا مظاہرہ کرکے کرونا میں اضافہ کیا۔
