نیو یارک : نئی ہالی ووڈ فلم میجک ان دی مون لائٹ کا پریمئر نیو یارک میں ہوا، جس میں فلم کی کاسٹ کی شرکت نے چار چاند لگا دیئے۔
نیو یارک میں فلم میجک ان دی مون لائٹ کے پریمئئر کا میلہ سجا، جس میں فلم کے ہدایت کار ووڈی ایلن سمیت فلم کی کاسٹ نے بھی شرکت کی، اس موقع پر ووڈی ایلن نے بتایا کہ فلم رومینٹک کامیڈی ہے، جس کو انیس سو بیس میں فرانس میں لکھی گئی ایک کہانی کے پس منظر میں بنایا گیا ہے۔
اداکاروں نے میجک ان دی مون لائٹ میں کام کرنے کو ایک منفرد تجربہ قرار دیا ہے، فلم امریکی سنیما گھروں میں پچیس اگست کو ریلیز کی جائے گی۔
