کرائسٹ چرچ: قومی ٹیم کے کھلاڑیوں نے کرائسٹ چرچ دہشت گردی سے متاثرہ خاندانوں سے ملاقات کی۔
تفصیلات کے مطابق قومی ٹیم کے کھلاڑیوں اور مینجمنٹ نے کرائسٹ چرچ دہشت گردی سے متاثرہ اہلخانہ سے ملاقات کی اور مسجد حملے میں شہید افراد کی درجات کی بلندی کے لیے دعا کی۔
قومی اسکواڈ کا کہنا تھا کہ ’شہدا کا مرتبہ بہت بلند ہے، آپ کے غم میں برابر کے شریک ہیں۔
ویڈیو میں دیکھا جاسکتا ہے کہ شاہین آفریدی، اظہر علی، سرفراز احمد، محمد رضوان سمیت دیگر کھلاڑی متاثرہ اہلخانہ اور بچوں سے محو گفتگو ہیں۔
Pakistan Test team spent Saturday afternoon with the families of Christchurch mosque attack victims at the Hagley Oval. pic.twitter.com/VbIGS1hb2L
— Pakistan Cricket (@TheRealPCB) January 2, 2021
دوسری جانب کیوی ٹیم کی جانب سے بھی قومی کھلاڑیوں کے اقدام کو سراہا گیا۔
Really nice touch from the Pakistan team today 🇵🇰 @TheRealPCB 🙌🏽 👍🏽#NZvPAK #CricketNation https://t.co/mXGmBFWjTA
— BLACKCAPS (@BLACKCAPS) January 2, 2021
واضح رہے کہ دو سال قبل نیوزی لینڈ کے علاقے کرائسٹ چرچ میں 29 سالہ ٹرینٹ نامی آسٹریلوی شہری نے مساجد میں فائرنگ کر کے 51 مسلمانوں کو شہید کردیا تھا۔
یاد رہے کہ قومی ٹیم نیوزی لینڈ میں ٹیسٹ سیریز کھیلنے کے لیے موجود ہے، دونوں ٹیموں کے درمیان دوسرا اور آخری ٹیسٹ کل کرائسٹ چرچ میں کھیلا جائے گا۔
خیال رہے کہ پہلے ٹیسٹ میں نیوزی لینڈ نے پاکستان کو 101 رنز سے شکست دی تھی، میزبان ٹیم کو سیریز میں 1-0 کی برتری حاصل ہے۔
