دبئی: پاکستان اور جنوبی افریقہ کے درمیان کراچی ٹیسٹ کےاختتام پر آئی سی سی نے نئی ٹیسٹ رینکنگ جاری کردی ہے۔
تفصیلات کے مطابق آئی سی سی کی جانب سے جاری نئی ٹیسٹ رینکنگ میں نیوزی لینڈ کےکین ولیمسن کی پہلی پوزیشن پر برقرار ہیں، آسٹریلیا کے اسٹیو اسمتھ دوسرے نمبر پر آگئے جبکہ انجری کے باعث دورہ نیوزی لینڈ سے باہر ہونے والے کپتان پاکستان کرکٹ ٹیم بابر اعظم کے لئے بری خبر ہے کہ ان کی ایک درجہ تنزلی ہوئی ہے، جس کے باعث وہ ساتویں نمبر پر چلے گئے ہیں۔
سابق ٹیسٹ کپتان اظہر علی ٹیسٹ رینکنگ میں اپنی پوزیشن کو بہتر کرنے میں کامیاب ہوئے اور 15ویں نمبر پر آگئے، جنوبی افریقہ کے خلاف کراچی ٹیسٹ میں انہوں نے اپنی اننگز میں 51 اور دوسری میں 31 رنز ناٹ آؤٹ اسکور کئے تھے۔
آئی سی سی کی جانب سے بولرز کی ٹیسٹ رینکنگ میں کوئی بھی پاکستانی ٹاپ ٹین میں جگہ نہ بنا سکا، آسٹریلیا کے پیٹ کمنز کی ٹاپ پوزیشن برقرار ہے، نیوزی لینڈ کے نیل وگنر ایک درجے تنزلی کے بعد تیسرے نمبر پر چلے گئے جبکہ انگلش بولر اسٹیورٹ براڈ ایک درجے ترقی کے بعد دوسرے نمبر پر براجمان ہیں۔
Scores of 51 and 31* in the first #PAKvSA Test have helped Azhar Ali break into the top 15 of the @MRFWorldwide ICC Test Player Rankings for batting 👏
Full list: https://t.co/OMjjVx5Mgf pic.twitter.com/h6ytZrR1hb
— ICC (@ICC) January 30, 2021
ٹیسٹ رینکنگ کی آل راؤنڈر رینکنگ میں بھی کوئی پاکستان کھلاڑی شامل نہیں ہے، انگلینڈ کے بین اسٹوک پہلے، ویسٹ انڈیز کے جیسن ہولڈر دوسرے جبکہ انڈیا کے روینڈر جڈیجا تیسری پوزیشن پر براجمان ہیں۔
Significant changes in the latest @MRFWorldwide ICC Test Player Rankings for batting 🏏
Full list: https://t.co/gDnVaiQl0W pic.twitter.com/PPRDZKvuMp
— ICC (@ICC) January 30, 2021
