اسلام آباد: توشہ خانہ ریفرنس میں مسلم لیگ ن کے قائد نواز شریف کی جانب سے بریت کی درخواست دائر کردی۔
تفصیلات کے مطابق احتساب عدالت میں صدر آصف زرداری ، نواز شریف ،یوسف گیلانی کیخلاف توشہ خانہ ریفرنس کی سماعت ہوئی۔
احتساب عدالت کے جج ناصر جاوید رانانےریفرنس پرسماعت کی، صدر آصف زرداری کی جانب سے ارشد تبریز ایڈووکیٹ عدالت میں پیش ہوئے۔
نواز شریف کی جانب سے پلیڈر رانا محمد عرفان عدالت میں پیش ہوئے، نواز شریف کی جانب سے بریت کی درخواست دائر کی۔
جج ناصرجاویدرانا نے کہا کہ بریت کی درخواست پر فریقین کو نوٹس جاری کر دیتے ہیں ، پراسیکیوٹر نے بتایا کہ
اس درخواست کونیب ہیڈ کوارٹر بھجوا دیتا ہوں ، شارٹ نوٹس کردیں۔
نواز شریف کی بریت کی درخواست پر 23 مئی کیلئے نوٹس جاری کرتے ہوئے یوسف رضا گیلانی کی حاضری سے استثنیٰ کی درخواست بھی منظور کرلی۔
وکیل کا کہنا تھا کہ صدر آصف زرداری کوصدارتی استثنیٰ حاصل ہےانکی حد تک کیس نہیں چل سکتا، نیب پراسیکیوٹر نے کہا کہ صدراتی استثنیٰ سےمتعلق درخواست مل گئی اس کا جائزہ لے رہے ہیں۔
احتساب عدالت نے توشہ خانہ ریفرنس پر سماعت 3 جون تک ملتوی کر دی۔
