کراچی: قومی ٹیم کے آل راؤنڈر محمد حفیظ نے جنوبی افریقہ کے خلاف ٹی ٹوینٹی سیریز سے ڈراپ کیے جانے پر اپنا ردعمل دے دیا۔
تفصیلات کے مطابق قومی کرکٹر محمد حفیظ نے سماجی رابطے کی ویب سائٹ ٹویٹر پر اپنے ردعمل میں قرآن کی آیت کا حوالہ دیا جس کا مفہوم کچھ یوں ہے، اللہ صبر کرنے والوں کے ساتھ ہے۔
محمد حفیظ نے سوشل میڈیا پر تاثرات کا اظہار کرتے ہوئے ٹی ٹوینٹی اسکواڈ کی پوسٹ بھی شیئر کی۔
واضح رہے کہ نیوزی لینڈ کے خلاف شاندار کارکردگی دکھانے کے باوجود محمد حفیظ جنوبی افریقہ کے خلاف ٹی ٹوینٹی سرییز سے باہر ہوگئے۔
إِنَّ اللّهَ مَعَ الصَّابِرِينَ ٢:١٥٣
“Indeed ALLAH is with the patient” pic.twitter.com/ff1VLMpmwv— Mohammad Hafeez (@MHafeez22) January 31, 2021
چیف سلیکٹر محمد وسیم کا کہنا تھا کہ آصف علی تین فروری کو دستیاب ہوں گے، محمد حفیظ دستیاب نہیں ہیں۔
چیف سلیکٹر کا کہنا تھا کہ حفیظ کی فارم پر شک نہیں، وہ بائیو سیکیور ببل کے لیے دستیاب ہوتے تو ٹیم میں ہوتے۔
واضح رہے کہ پاکستان اور جنوبی افریقہ کے درمیان 11، 13 اور 14 فروری کو تین ٹی ٹوینٹی میچز کھیلے جائیں گے۔
