بھارتی ریاست گجرات کے ایک ہوٹل میں اچانک شیر گھس آیا جس کی ویڈیو دیکھ لوگ خوف زدہ ہوگئے۔
بھارتی میڈیا کے مطابق جونا گڑھ شہر کے بیچ و بیچ بنے ہوٹل میں رات کے آخری پہر شیر کے داخل ہونے کی سی سی ٹی وی فوٹیج سامنے آگئی ہے۔
ویڈیو میں دیکھا جا سکتا ہے کہ ایک شیر سیکورٹی چیک کو پھلانگ کر ہوٹل کے احاطے میں داخل ہوا، بن بلائے مہمان کی اچانک آمد کو دیکھ کر چوکی میں موجود گارڈ اپنی نشست سے کھڑا ہوا اور گزرتے ہوئے شیر کو تکتا رہا۔
Lions in the city of Junagadh is a regular affair nowadays. @ParveenKaswan @susantananda3 @CentralIfs pic.twitter.com/o2PtLiXmui
— Udayan Kachchhi (@Udayan_UK) February 10, 2021
ٹوئٹر پر شیئر کی گئی اور ایک ویڈیو میں شیر کو پارکنگ میں مٹر گشت کرتے ہوئے دیکھا گیا ہے۔ شیر پارکنگ ایریا سے گزرتا ہوا سیکورٹی پوسٹ سے باہر نکل گیا۔
