کراچی: پی ایس ایل 6 کے پہلے میچ میں کراچی کنگز نے کوئٹہ گلیڈی ایٹرز کو باآسانی 7 وکٹوں سے شکست دے دی، فاسٹ بولر ارشد اقبال کو میچ کا بہترین کھلاڑی قرار دیا گیا۔
تفصیلات کے مطابق پی ایس ایل 6 کے افتتاحی میچ میں کراچی کنگز نے کوئٹہ گلیڈی ایٹرز کی جانب سے دیا جانے والا 122 رنز کا ہدف 13.5 اوورز میں 3 وکٹوں کے نقصان پر حاصل کرلیا، جو کلارک نے 46 رنز کی جارحانہ اننگز کھیلی۔
اوپنر شرجیل خان 4 رنز بنا کر حسنین کی گیند پر ایل بی ڈبلیو ہوئے، کپتان بابر اعظم 24 رنز بنا کر آؤٹ ہوئے۔
OK but how is @babarazam258 this good? 😍😍😍#HBLPSL6 | #MatchDikhao | #KKvQG pic.twitter.com/xIiD7xlDmA
— PakistanSuperLeague (@thePSLt20) February 20, 2021
کولن انگرام 17 اور محمد نبی 30 رنز بنا کر ناٹ آؤٹ رہے۔
کوئٹہ گلیڈی ایٹرز کی جانب سے محمد حسنین نے دو وکٹیں حاصل کیں جبکہ عثمان شنواری ایک وکٹ حاصل کرسکے۔
Uh oh Joe Clarke has got to go!@TeamQuetta find some hope after carnage.#HBLPSL6 | #MatchDikhao | #KKvQG pic.twitter.com/mZUnBQFVrp
— PakistanSuperLeague (@thePSLt20) February 20, 2021
اس سے قبل کوئٹہ گلیڈی ایٹرز کی ٹیم 18.2 اوورز میں 121 رنز پر ڈھیر ہوگئی تھی اور کراچی کنگز کو جیت کے لیے 122 رنز کا ہدف دیاتھا۔
کوئٹہ گلیڈی ایٹرز کی پہلی وکٹ 6 رنز پر گری جب ٹام بینٹن 5 رنز پر عماد وسیم کا نشانہ بنے، کپتان سرفراز احمد 7 رنز بنا کر پویلین لوٹ گئے۔
🔥🔥🔥
Is there a better sight in cricket than flying stumps?@TeamQuetta in all sorts of trouble as the champs @KarachiKingsARY go rampant!#HBLPSL6 | #MatchDikhao | #KKvQG pic.twitter.com/Iobuozovkp
— PakistanSuperLeague (@thePSLt20) February 20, 2021
کرس گیل نے 39 رنز کی ذمہ دارانہ اننگز کھیلی، گیل کو ڈین کرسٹن نے آؤٹ کیا، سیم ایوب 8 رنز بنا کر عامر یامین کا نشانہ بنے، اعظم خان 17 رنز بنا کر چلتے بنے۔
محمد نواز 3 رنز پر رن آؤٹ ہوئے، بین کٹنگ کو 11 رنز پر ارشد اقبال نے بولڈ کیا، عثمان شنواری بغیر کوئی رن بنائے پویلین لوٹ گئے۔
Was this the wicket that changed the match?@henrygayle left confused and back to the pavilion!#HBLPSL6 | #MatchDikhao | #KKvQG pic.twitter.com/ELx0oHYB6j
— PakistanSuperLeague (@thePSLt20) February 20, 2021
کراچی کنگز کی جانب سے ارشد اقبال نے تین کھلاڑیوں کو پویلین کی راہ دکھائی جبکہ محمد عامر، عماد وسیم، عامر یامین، ڈین کرسٹن نے ایک، ایک وکٹ حاصل کی۔
اس سے قبل کراچی کنگز نے ٹاس جیت کر کوئٹہ گلیڈی ایٹرز کو پہلے بیٹنگ کی دعوت دی تھی۔
#HBLPSL6 ka pehla 6!
How many more will we see in this tournament?#MatchDikhao | #KKvQG pic.twitter.com/reZTBRRFcZ
— PakistanSuperLeague (@thePSLt20) February 20, 2021
کراچی کنگز کے کپتان عماد وسیم کا کہنا تھا کہ پہلے میچ کے لیے حکمت عملی بنائی ہے، کوشش کریں گے کوئٹہ گلیڈی ایٹرز کو کم اسکور پر آؤٹ کریں۔
دوسری جانب کوئٹہ گلیڈی ایٹرز کے کپتان سرفراز احمد کا کہنا تھا کہ اچھا ٹریک ہے، کوشش کریں گے بڑا اسکور کریں، فاسٹ بولنگ سے مطمئن ہوں۔
کراچی کنگز اسکواڈ
کراچی کنگز کی ٹیم میں عماد وسیم، بابر اعظم، شرجیل خان، کولن انگرام، جو کلارک، محمد نبی، ڈین کرسچن، عامر یامین، وقاص مقصود، محمد عامر اور ارشد اقبال شامل ہیں۔
کوئٹہ گلیڈی ایٹرز اسکواڈ
کوئٹہ کی ٹیم میں سرفراز احمد، کرس گیل، ٹام بینٹن، اعظم خان، سیم ایوب، بین کٹنگ، محمد نواز، محمد حسنین، قیس احمد، نسیم شاہ اور عثمان شنواری شامل ہیں۔
And so the #HBLPSL6 begins! @karachikingsARY have won the toss and will be bowling first against @Teamquetta.
Jaldi karo, #MatchDikhao! pic.twitter.com/2Sfli3517n— PakistanSuperLeague (@thePSLt20) February 20, 2021
