اوٹاوا: کینیڈا کے مختلف علاقوں میں رات کی تاریکی میں آسمان پر نیلی روشنی کا گولا دیکھا گیا جس کی ویڈیوز سوشل میڈیا پر وائرل ہوگئیں۔
بین الاقوامی میڈیا رپورٹ کے مطابق کینڈا کے مختلف علاقوں میں دو روز قبل رات کے درمیانے پہر آسمانی نیلے رنگ کی روشنی دیکھی گئی جس کو دیکھ کر شہری خوفزدہ ہوگئے تھے۔
مبصرین کا خیال ہے کہ اس منظر کو لاکھوں شہریوں نے دیکھا جن میں سے چند نے ویڈیوز بنا کر سماجی رابطے کی ویب سائٹ پر بھی شئیر کی۔
انٹرنیٹ پر وائرل ہونے والی مختلف علاقوں کی ویڈیوز میں نیلے رنگ کے گولے اور اس سے اٹھنے والی روشنی کو دیکھا جاسکتا ہے جبکہ ایک موقع پر ایسا منظر تھا جس سے آسمان پر بجلی چمکنے کا گماں ہورہا تھا۔
Neon-blue meteor spotted zooming over Canada pic.twitter.com/67N8Ah5F42
— The Independent (@Independent) February 23, 2021
انٹرنیٹ پر شیئر ہونے والی ویڈیو کو اب تک لاکھوں صارفین دیکھ چکے ہیں، جن لوگوں نے یہ منظر پہلی بار دیکھا وہ حیرانی کے ساتھ خوف کا شکار بھی ہوئے۔
ویڈیوز میں دیکھا جاسکتا ہے جب یہ گولا نمودار ہوا تو چند سیکنڈز کے لیے ہر طرف نیلے رنگ کی روشنی پھیل گئی اور اندھیرا ختم ہوگیا تھا۔
What was that? #yeg #meteorite #stars #fallingstar pic.twitter.com/drUgZXdYXX
— Family Lines (@FamilyLines) February 22, 2021
ماہرین نے بتایا کہ رات کی تاریکی میں آسمان پر نمودار ہونے والی روشنی دراصل شہابِ ثاقب (ستارہ ٹوٹنے کا عمل) ہے۔
What was that? #yeg #meteorite #stars #fallingstar pic.twitter.com/drUgZXdYXX
— Family Lines (@FamilyLines) February 22, 2021
