اسلام آباد : محکمہ موسمیات نے رواں سال کراچی میں گرمیوں کا دورانیہ زیادہ اور موسم گرم رہنے کی پیش گوئی کردی اور کہا بارشیں مون سون میں ہونے کا امکان ہے۔
تفصیلات کے مطابق محکمہ موسمیات نے شہر قائد میں موسم گرم رہنے کی پیش گوئی کرتے ہوئے کہا رواں ماہ گرمی کی شدت میں اضافے ہوسکتا ہے، مارچ میں شہر کا زیادہ سے زیادہ درجہ حرارت 37 ڈگری سینٹی تک رہنے کا امکان ہے۔
محکمہ موسمیات کا کہنا تھا کہ ہوا میں نمی کا تناسب بڑھنے سےموسم مرطوب رہے گا، دن میں گرمی جبکہ شام میں سمندری ہوائیں چلیں گی۔
بارشوں کے حوالے سے محکمہ موسمیات نے کہا رواں ماہ بارش کا کوئی امکان نہیں ہے تاہم رواں برس شہر میں بارشیں مون سون میں ہونے کا امکان ہے۔
گرمیوں کے دورانیہ سے متعلق محکمہ موسمیات کا مزید کہنا تھا رواں برس گرمیوں کا دورانیہ زیادہ ہوگا،عموماً موسم گرما کا آغاز اپریل سے ہوتا ہے، رواں برس گرمی کا آغاز مارچ سے ہوگیا ہے، مارچ کے وسط میں درجہ حرارت مزید بڑھنے کا امکان ہے۔