پنوم پن: کمبوڈیا میں گھر کے ٹوائلٹ بال سے نکلنے والے کوبرا سانپ نے شہری کی دوڑیں لگوا دیں، ذرا سی غفلت سے جان بھی جاسکتی تھی لیکن خوش قسمتی سے وہ محفوظ رہا۔
غیرملکی خبررساں ادارے کی رپورٹ کے مطابق کمبوڈیا کے صوبے پیلن میں رہنے والے شخص کے اس وقت اوسان خطا ہوگئے کہ جب اس نے گھر کے ٹوائلٹ بال میں کوبرا سانپ کو رینگتے اور ڈنگ ہلاتے ہوئے دیکھا۔
ریسوپا نامی شخص نے سانپ کی ویڈیو بنا کر سوشل میڈیا پر شیئر کردی۔ وائرل ویڈیو کے مناظر میں دیکھا جاسکتا ہے کہ زہریلا سانپ کس طرح ٹوائلٹ بال سے اچانک نمودار ہوا اور ڈنگ ہلانے لگا۔
شہری نے بتایا کہ ٹوائلٹ استعمال کرنے کے بعد اسے خیال آیا تھا کہ ٹھیک طرح اس کی صفائی نہیں ہوئی جب وہ صاف کرنے پہنچا تو سانپ نظر آیا جس کے بعد فوراً متعلقہ عملے کو گھر بلایا لیکن اس وقت تک سانپ فرار ہوچکا تھا۔
اس واقعے کے بعد سے شہری نے اس ٹوائلٹ کو استعمال کرنا ہی چھوڑ دیا ہے۔
