مسقط : عمانی حکام نے کرونا وبا کی اعلیٰ انتظامیہ کمیٹی نے غیر ملکی شہریوں کے ریاست میں داخلے پر پابندی میں توسیع کردی۔
غیر ملکی خبر رساں ادارے کی رپورٹ کے مطابق دیگر خلیجی ریاستوں کی طرح عمان نے بھی کرونا وبا سے چھٹکارا حاصل کرنے کےلیے بیرون ملک سے آنے والے مسافروں پر پابندی عائد کردی تھی۔
حکام نے 10 ممالک کے شہریوں پر عمان میں داخلے پر عائد پابندی میں توسیع کا فیصلہ کیا ہے، جس میں سوڈان، لبنان، جنوبی افریقہ، برازیل، نائجیریا، تنزانیہ، گھانا، گنی، سرالیون اور ایتھوپیا شامل ہیں۔
اس پابندی سے مقامی شہری، سفارتکار، صحت عملہ اور ان کے اہل و عیال مستثنی ہیں البتہ ان افراد کو ریاست میں داخلے پر حفاظتی تدابیر کا خیال رکھنا ہوگا۔
میڈیا رپورٹس میں بتایا گیا ہے کہ عمانی حکومت کی جانب سے وبا کو کنٹرول کرنے کے بعد بھر میں 25 مارچ کے بعد سے سرکاری اسکولوں میں تدریسی عمل بحال کرنے کا بھی فیصلہ کیا گیا ہے۔
