چنیوٹ: پنجاب پولیس آئے روز اپنے کارناموں کے باعث خبروں کی زینت بنتی رہتی ہے، آج ایک بار پھر پولیس نے انوکھا کارنامہ سرانجام دے دیا ہے۔
اس بار خبر کوئی جعلی پولیس مقابلے یا کسی بے گناہ شہری کو پولیس کی جانب سے بے جا طور پر حراست میں لینے کی نہیں ہے بلکہ کہانی ہے چار ماہ کے بچے پر مقدمہ اندراج کی۔
اور یہ کارنامہ سرانجام دیا ہے چنیوٹ پولیس نے، جنہوں نے چار ماہ کے ننھے بچے پر مقدمہ درج کیا ہے، مقدمہ درج ہونے کے بعد والد اپنے ننھے بچے کو لے کر عدالت پہنچ گیا۔
- Advertisement -
ننھے بچے پر مقدمے کا اندراج تعزیرات پاکستان کی دفعہ 188 کے تحت تھانہ بھوانہ میں سب انسپکٹر کی مدعیت میں درج کیا گیا ہے، حیرت انگیز بات یہ ہے کہ ایف آئی ار میں چار ماہ کے بچے پر ساتھیوں سمیت ساؤنڈ سسٹم ایکٹ کی خلاف ورزی کا الزام لگایا گیا ہے۔