انقرہ: اسپیکر قومی اسمبلی اسد قیصر نے معروف ترک ڈرامہ سیریل کورلوس عثمان کے مرکزی کردار سے ترکی میں ملاقات کی۔
اسپیکر اسد قیصر نے سماجی رابطے کی ویب سائٹ ٹویٹر پر تصویر شیئر کی جس میں وہ کورلوس عثمان کے ساتھ کھڑے نظر آرہے تھے۔
انہوں نے لکھا کہ کورلوس عثمان کے مرکزی کردار براق اوزچیویت سے ملاقات میرے لیے افتخار کا باعث ہے۔
اسد قیصر نے لکھا کہ ’میں نے وقت نکال کر اس ڈرامے کی کچھ قسطیں دیکھیں جنہیں دیکھ کر بہت مزہ آیا، امید ہے کورلوس عثمان ایک اور نئی تاریخ رقم کرے گا‘۔
واضح رہے کہ ارطغرل غازی کے بیٹے کی زندگی اور حکومت پر بنائے جانے والے ڈرامے کورلوس عثمان میں براق اوزچیویت عثمان بے کا کردار ادا کررہے ہیں۔
It was a pleasure to met with @burakozcivit from #KurulusOsman. I throughly enjoy watching period pieces in the little time I get. Hoping Kurulus: Osman to be another memorable watch. pic.twitter.com/eYBIRhvHHM
— Asad Qaiser (@AsadQaiserPTI) March 27, 2021
یاد رہے کہ اس قیصر سرکاری دورے پر ترکی پہنچے ہیں، جہاں انہوں نے چوتھی کانفرنس برائے اسپیکر پارلیمنٹ میں شرکت کی۔ اس کانفرنس میں علاقوں کے درمیان باہمی رابطے اور دہشت گردی سے نمٹنے کے امور پر تبادلۂ خیال کیا گیا۔
Walking through the set of #kurulusOsman has been a joyful experience for us. I shall always cherish the hospitality and warmth given to us in Turkey 🇹🇷. We are grateful for the love with which you hosted us. pic.twitter.com/D3UmcZ8z6c
— Asad Qaiser (@AsadQaiserPTI) March 27, 2021
دوسری جانب ترک میڈیا کا کہنا ہے کہ ترک ڈرامہ سیریل ارطغرل غازی اور کورلوس عثمان کے معروف کردار عبدالرحمان عل کراچی پہنچ گئے ہیں۔