بیلجیئم کے ایک شہری کے دن رات کا سکون پیزا ڈلیوری نے برباد کردیا، یہ پیزا ڈلیوری اسے روزانہ دن اور رات میں کئی کئی بار موصول ہوتی ہے، کوئی نہیں جانتا کہ اسے آرڈر کرنے والا کون ہے۔
بیلجیئم کے 65 سالہ شہری کی نیندیں ایک بے ضرر سے پیزا نے حرام کر رکھی ہیں لیکن یہ پیزا اتنا بھی بے ضرر نہیں۔
دراصل اس شہری کو گزشتہ 9 سال سے بغیر آرڈر کیے پیزا موصول ہورہا ہے۔
بیلجین شہری کا کہنا ہے کہ ہر وقت پیزا ڈلیوری کے خوف نے میری نیند ہی اڑا دی ہے اور جب گلی سے کوئی اسکوٹی گزرتی ہے تو مجھے لگتا ہے کہ اب کوئی دوبارہ پیزا رکھ کر چلا جائے گا۔
معمر شہری کے مطابق یقیناً میرے ساتھ کوئی شرارت کر رہا ہے، مجھے دن میں 10 بار پیزے موصول ہوتے ہیں۔
ان کا کہنا ہے کہ پیزا ڈلیور ہونے کا کوئی ٹائم نہیں ہے، یہ ویک اینڈ پر بھی موصول ہوتے ہیں اور عام دنوں میں بھی، دن کے اوقات میں بھی اور رات کے 2 بجے بھی پیزا آسکتا ہے۔
معمر شہری کے مطابق وہ اس شخص کو تلاش کرنے کی کوشش کر رہے ہیں جو یہ حرکت کر رہا ہے اور جس دن انہیں وہ شخص مل گیا وہ دن اس شخص کے لیے بہت برا دن ہوگا۔
