لاہور: پاکستان کی معروف ٹک ٹاک اسٹار اور میزبان کنول آفتاب کا فیس بک اکاؤنٹ ہیک ہوگیا۔
کنول آفتاب نے سماجی رابطے کی ویب سائٹ اور فوٹو ویڈیو شیئرنگ پلیٹ فارم انسٹاگرام پر اسٹوری شیئر کر کے مداحوں کو فیس بک اکاؤنٹ ہونے سے متعلق آگاہ کیا۔
مزید پڑھیں: ٹک ٹاک اسٹارز کنول آفتاب اور ذوالقرنین سکندر رشتہ ازدواج میں منسلک
انہوں نے اپنے پیغام میں لکھا کہ ’میرا فیس بک اکاؤنٹ ہیک ہوگیا ہے، اگر آپ کو آئی ڈی سے کسی بھی قسم کا کوئی پیغام موصول ہو تو براہ کرم اُسے رپوٹ کریں‘۔
واضح رہے کہ چند روز قبل معروف ٹک ٹاک اسٹارز کنول آفتاب اور ذوالقرنین رشتہ ازدواج میں منسلک ہوئے۔ دونوں نے انسٹاگرام پوسٹ کے ذریعے مداحوں کو نئے رشتے سے متعلق آگاہ کیا تھا۔
View this post on Instagram
نکاح کی تقریب لاہور کے سبزہ زار میں منعقد ہوئی تھی جس میں دونوں کے قریبی رشتے داروں اور دوستوں نے شرکت کی۔
اس اعلان کے بعد سماجی رابطے کی ویب سائٹ ٹویٹر پر کنول آفتاب ٹاپ ٹرینڈ بنا اور صارفین نے تصاویر اور ویڈیوز شیئر کرتے ہوئے اس جوڑی کے لیے نیک خواہشات کا اظہار کیا تھا۔
