افغان دارالحکومت کابل زوردار دھماکے سے گونج اٹھا، خودکش حملے میں کئی افراد زخمی ہوگئے اور ہلاکتوں کا خدشہ ظاہر کیا گیا ہے۔
افغان میڈیا کے مطابق منگل کی شب کابل کے مصروف علاقے میں زور دار دھماکے کی آواز سنی گئی۔ سیکورٹی ذرائع نے حملے کو خودکش قرار دیا ہے۔
ٹولو نیوز نے سیکورٹی ذرائع کے حوالے سے بتایا کہ خودکش حملے میں خفیہ ایجنسی کے قافلے کو نشانہ بنایا گیا ہے۔
دھماکا شہید راؤنڈ اباؤٹ کے علاقے پی ڈی 15 میں اس وقت ہوا جب افغان انٹیلی جینس ایجنسی (این ڈی ایس) کا قافلہ گزر رہا تھا۔
سیکورٹی ذرائع کے مطابق خودکش حملہ آور نے قافلے کے قریب آ کر خود کو اڑا دیا جس کے نتیجے میں زوردار دھماکا ہوا اور شہر گونج اٹھا۔
سیکورٹی ذرائع کا کہنا ہے کہ دھماکے میں 4 افراد زخمی ہوئے ہیں جنہیں طبی امداد کے لیے اسپتال منتقل کر دیا گیا ہے۔
