اسلام آباد : وزارت خزانہ کے زرائع کے مطابق حکومت اور آئی ایم ایف کے درمیان مذاکرات کادور کل سے دبئی میں شروع ہوگا، مذاکرات میں گزشتہ مالی سال کی چوتھی سہہ ماہی کا معاشی جائزہ لیا جائے گا، سیکریٹری خزانہ ڈاکٹر وقار مسعود پاکستانی وفد کی قیادت کریں گے،زرائع کے مطابق آئی ایم ایف کی جانب سے بجلی کی سبسڈی پر اعتراضات اٹھائے جانے کا امکان ہے، رواں مالی سال حکومت نے بجٹ میں گیس اور بجلی کی قیمتوں میں اضافہ کیا تھا اس کا اطلاق تاحال نہیں ہوسکا،قیمتوں میں اضافہ نہ ہونے پر بھی آئی ایم ایف اعتراض کر سکتا ہے۔