لندن : معروف ای کامرس کمپنی ایمیزون نے اپنے کاروبار کو وسعت دینے کی غرض سے لندن میں اپنے جدید ہیئر ڈریسنگ کا پہلا سیلون کھولنے کا اعلان کیا ہے۔
یہ ہیئر ڈریسنگ سیلون ایمیزون ہیڈ کوارٹر سے تقریباً پانچ منٹ کے فاصلے پر لندن کے اسپٹل فیلڈز میں ایک عمارت کی دو منزلوں پر واقع ہے۔ جس میں پانچ ہزار افراد کے لیے گنجائش ہوگی۔
سعودی ذرائع ابلاغ کے مطابق سیلون متعدد نئی ٹیکنالوجیز کا استعمال کر رہا ہے جس سے یہ معلوم کیا جا رہا ہے کہ مختلف رنگوں میں بال کیسے دکھائی
دیتے ہیں۔ اس کے لیے پوائنٹ اینڈ لرن ٹیکنالوجی جو صارفین کو ڈسپلے کے ذریعے مصنوعات کا پہلے سے نظارہ کرنے کی اجازت دیتی ہے، کا استعمال بھی کیا جائے گا۔
ایمیزون ہیئر سیلون کورونا وبا کی روشنی میں تمام احتیاطی تدابیر کی پیروی کرتا ہے اور صارفین کو الگ کرنے کے لیے اسکرینوں کا استعمال کرتا ہے۔ اس کے علاوہ صارفین کے ماسک پہننے کی پابندی اور درجہ حرارت کی جانچ پڑتال بھی کی جاتی ہے۔
ابتدائی طور پر سیلون ایمیزون ملازمین کے لیے کھولا گیا ہے جس کے بعد عام لوگ بھی بکنگ کے بعد یہاں کا رخ کرسکیں گے۔
