اسلام آباد : وفاقی وزیرِ فواد چوہدری کا کہنا ہے کہ وزیراعظم عمران خان آج دنیا بھر میں تعینات تمام پاکستانی سفرا سے بذریعہ ویڈیولنک خطاب کریں گے ،اہم ہے سفارت کار بیرون ملک مقیم پاکستانیوں کےمسائل پرتوجہ دیں۔
تفصیلات کے مطابق وفاقی وزیرِ اطلاعات و نشریات فواد چوہدری نےسماجی رابطے کی ویب سائٹ ٹوئٹر پر اپنے بیان میں کہا کہ وزیر اعظم عمران خان آج ڈیڑھ بجے دنیا بھر میں تعینات تمام پاکستانی سفراء سے ویڈیو لنک پر خطاب کریں گے، سفارتخانے پاکستان اور پاکستانیوں کی پہچان ہیں ، سفارتکاروں کا کردار اس ضمن میں انتہائی اہم ہے ، اہم ہے سفارتکار بیرون ملک مقیم پاکستانیوں کےمسائل پرتوجہ دیں۔
آج 130 بجے وزیر اعظم عمران خان دنیا بھر میں تعینات پاکستانی سفراء سےویڈیو لنک پر خطاب کریں گے، سفارتخانے پاکستان اور پاکستانیوں کی پہچان ہیں اور سفارتکاروں کا کردار اس ضمن میں انتہائ اہم ہے ،یہ اہم ہے کہ سفارت کار بیرون ملک مقیم پاکستانیوں کے خصوصاً مزدوروں کے مسائل پر توجہ دیں
— Ch Fawad Hussain (@fawadchaudhry) May 5, 2021
یاد رہے وزیراعظم عمران خان نے سعودی عرب میں پاکستانی کمیونٹی کی شکایت پر کارروائی کی ہدایت کرتے ہوئے پرائم منسٹر انسپکشن کمیشن کو سفیر و دیگر سفارتی عملہ کی بدسلوکی کی 15 روز میں تحقیقات کا حکم دیا تھا۔
سعودی عرب میں پاکستان کے سبکدوش سفیر راجہ علی اعجاز کو معطل کرکےپاکستانی سفارت خانہ ریاض اور قونصل خانوں کے اہلکاروں کو وطن واپس بلالیا گیا تھا۔
