دبئی: انٹرنیشنل کرکٹ کونسل نے ٹیسٹ کھلاڑیوں کی نئی رینکنگ جاری کردی ہے، بھارتی کپتان اور بابراعظم کی تنزلی ہوگئی ہے۔
تفصیلات کے مطابق آئی سی سی نے ٹیسٹ کرکٹ پلیئرز کی نئی رینکنگ جاری کی ہے، بلے بازوں کی رینکنگ میں کپتان نیوزی لینڈ کرکٹ ٹیم کین ولیمسن کی پہلی پوزیشن برقرار ہے، آسٹریلیا کے اسٹیو اسمتھ دوسرے نمبر پر موجود ہیں۔
نئی ٹیسٹ رینکنگ میں قومی کرکٹ ٹیم کے کپتان بابراعظم کی تین درجے تنزلی ہوئی ہے، جس کے باعث بابراعظم چھٹے سے نویں نمبر پر چلے گئے ہیں، نئی ٹیسٹ رینکنگ کی ٹاپ بلے بازوں میں تین بھارتی کھلاڑی شامل ہیں، بھارتی ٹیم کے کپتان ویرات کوہلی پانچویں ، ریشبا پانٹ چھٹے اور روہت شرما آٹھویں نمبر پر موجود ہیں۔
یہ بھی پڑھیں: بابراعظم اور فخرزمان اہم ایوارڈ کے لئے شارٹ لسٹ
ٹیسٹ آل راؤنڈرز میں ویسٹ انڈیز کے جیسن ہولڈر پہلے نمبر پر ہیں، پاکستان کا کوئی بھی آل راؤنڈر ٹاپ ٹین میں شامل نہیں، انگلینڈ کے بین اسٹوکس دوسرے، بھارت کے رویندر جڈیجا تیسرے، بھارت کے ہی رویچندرن اشون چوتھے، بنگلہ دیش کے شکیب الحسن پانچویں، کائل جیمسن چھٹے، مچل اسٹارک ساتویں، کولن ڈی گرینڈہوم آٹھویں ، پیٹ کمنس نویں اورکرس ووکس دسویں نمبر پر ہیں۔
ٹیسٹ بولرز کی تازہ ترین درجہ بندی میں نیوزی لینڈ کے پیٹ کمنس پہلے نمبر پر ہیں۔ بھارت کےرویچندرن اشون دوسرے،نیل ویگنر تیسرے، جیمز اینڈرسن چوتھے، جوش ہیزل ووڈ پانچویں، ٹم ساؤتھی چھٹے، اسٹورٹ براڈ ساتویں، جیسن ہولڈر آٹھویں، کاگیسو ربادانویں اور مچل اسٹارک دسویں نمبر پر ہیں۔
🇱🇰 Sri Lanka skipper @IamDimuth moves up four spots to No.11 in the latest @MRFWorldwide ICC Test Player Rankings for batting.
📈 Full list: https://t.co/OMjjVx5Mgf pic.twitter.com/KMvUM0rFlm
— ICC (@ICC) May 5, 2021
